السلام عليكم ورحمه الله وبركاته
لما يجيلك جهاز فاصل باور أول حاجه شيل البطاريه ووصل الجهاز علي الباور سبلاي وأضغط علي مفتاح الباور وشوف النتيجه ولو الجهاز أشتغل يبقي مشكله من البطاريه أشحنها وارجع جرب شغل الجهاز بالبطاريه تانى. تمام طيب لو الجهاز مشتغلش علي الباور أعمل أيه؟
نكمل تانى لو الجهاز مشتغلش شوف مؤشر الامبير لما بتضغط علي مفتاح الباور هيعمل أيه وخد عندك الحالات دي وأحفظها كويس
١ لو الجهاز لايسحب أمبير نهائيا يبقي المسبب ١ مفتاح الباور ومساره ٢ ريش البطاريه ولحامها علي البورده ٣ icالباور وأحدد أزاي اولا قم بتوصيل الشاحن لو الجهاز أعطي علامه شحن فتكون مشكله مفتاح ولو مشحنش قيس ممانعه ريش البطاريه ولو سليمه يبقي مشكلتك في icالباور .
الحاله التانيه : لو الجهاز عند تشغيله علي الباور سبلاي سحب أمبير ضعيف ولا يفتح وصل الموبايل علي الكمبيوتر ولو الكمبيوتر أتعرف عليه جرب تديله سوفت ولو الكمبيوتر لا يتعرف عليه فتكون مشكله من icالباور او البروسيسور
الحاله الثالثه : عند تشغيل الجهاز علي الباور سبلاي لقيت الجهاز سحب أمبير عالي سوأ قبل الضغط علي مفتاح الباور أو بعد الضغط علي مفتاح الباور يبقي في مكون او ic هيسخن أرفعه وجرب من غيره ولو ايسي من الايسهات المسؤوله عن تشغيل الجهاز باور غيره
الحاله الرابعه : لو الجهاز عند توصيله علي الباور سبلاي سحب امبير ضعيف لوحده وثبت مؤشر الامبير علي هذه السحبه مفيش حاجه هتسخن هعمل ايه هقيس ممانعه علي المكثفات اللي جامب ايسي الباور واللي جامب البروسيسور وهلاقي مكثف او عدد من المكثفات بيدي بازر من الطرفين وفى الغالب هو ده اللى ممكن يكون سبب المشكله
الحاله الاخيره : لو الجهاز عند توصيله علي الباور سبلاي أعطي صفاره مع العلم توصيل الكابل سليم الاحمر علي موجب الريش والاسود علي السالب الريش ده معناه ايه ؟
معني الكلام ده أن في مكون او قطعه تتغذي من البطاريه هي المسببه للقفله دى وعشان تعرف تحدد العطل ده لازم
تقلل الفولت بتاع الباور للاخر وبعدين عالي الفولت درجه درجه وعينك علي مؤشر الامبير لحد ما يوصل مؤشر الامبير حتي ٢ امبير او حتي ٨'١امبير وشوف ايه اللي هيسخن وشيله وجرب البورده من غيره .
يارب أكون عرفت أوصل المعلومه ليكم.
بالتوفيق للجميع
اخي جهاز g532f اشغله يقوم باور ويشتغل الفلاش ولا يكمل فتح
ردحذف